19. april 2002 FM 2002/6
Atuisartunut pisisartunullu siunnersuisoqatigiit, tuniniaasarneq, nalunaaqutsersuisarneq, akit aamma atuisartunut pisisartunullu maalaaruteqartarfittut ataatsimiititaliat pillugit Inatsisartut inatsisaata allanngortinneqarneranik Inatsisartut Inatsisissaattut siunnersuut
pillugu
Inatsisartut Inuussutissarsiornermut Ataatsimiititaliaata
ISUMALIUTISSIISSUTAA
Siunnersuutip aappassaaneerneqarnerani saqqummiunneqartoq
Inatsisartut Inuussutissarsiornermut Ataatsimiititaliaat suliarinninnermini ukuninnga inuttaqarpoq:
Inatsisartuni ilaasortaq Simon Olsen, Siumut, siulittaasoq
Inatsisartuni ilaasortaq Finn Karlsen, Atassut, siulittaasup tullia
Inatsisartuni ilaasortaq Ruth Heilmann, Siumut
Inatsisartuni ilaasortaq Maliinannguaq M. Mølgaard, Inuit Ataqatigiit
Inatsisartuni ilaasortaq Mads Peter Grønvold, Kattusseqatigiit
Inatsisartut Inuussutissarsiornermut Ataatsimiititaliaata UPA 2002-mi siullermeerinerup kingorna inatsisissatut siunnersuut nassuiaatitai ilanngullugit misissuataarpaa.
Tusarniaanermit akissutisiat
Ataatsimiititaliap siunnersuummik matuminnga suliarinninnermini atugassamisut tusarniaanermit akissutisiat nuutinneqarneri piniarpai.
Siunnersuutip imarisaiAtaatsimiititaliap maluginiarpaa siunnersuutikkut periarfissinniarneqartoq tassaasoq Atuisartunut Pisisartunullu Maalaaruteqartarfittut Ataatsimiititaliap allattoqarfiata Unammilleqatigiinnermut Ataatsimiititaliap aamma Atuisartunut Pisisartunullu Siunnersuisoqatigiit ataatsimut allattoqarfiannut ilanngunneqarnissaa. Ataatsimiititaliamittaaq maluginiarneqarpoq atuisartut pisisartullu aamma inuussutissartinik ingerlataqartut ataatsimiititaliami katitigaanerannik oqimaaqatigiissaarneqarnerannillu allannguinissaq inatsisissatut siunnersuuteqarnermi anguniagaanngitsoq. Taamaalillunilu siunnersuut ilusilersuinermut allaffissornermillu tunnganeruvoq.
Ataatsimiititaliap naggasiullugu oqaatigissavaa Atuisartunut Pisisartunullu Maalaaruteqartarfittut Ataatsimiititaliap allaffissornikkut nukissatigut patajaallisaavigineqarnera nunatsinni tamanit aammalu atuisartunit pisisartunillu ilisimaarineqarnerulerneranik kinguneqarnissaa neriuutiginartinneqarmat.
Inuussutissarsiornermut Ataatsimiititaliap isumaqatigiittup siunnersuutip akuersissutigineqarnissaa inassutigaa.
Taama oqaaseqarluni Inatsisartut Inuussutissarsiornermut Ataatsimiititaliaata atuisartunut pisisartunullu siunnersuisoqatigiit, tuniniaasarneq, nalunaaqutsersuisarneq, akit aamma atuisartunut pisisartunullu maalaaruteqartarfittut ataatsimiititaliat pillugit Inatsisartut inatsisaata allan-ngortinneqarneranik Inatsisartut Inatsisissaattut siunnersuut Inatsisartunit aappassaaniigassanngortippaa.
Simon Olsen, Formand Finn Karlsen Ruth Heilmann Maliinannguaq M. Mølgaard Mads Peter Grønvold
--------------
FM 2002/6
J.nr. 01.31.06.03-8